Piatto di Assunta Baldaro
La massa rizza si cucinava na vota all’annu, lu giurnu ti san Giseppu!
A ci si la puteva ‘ccatta’ allu nigozziu la massa rizza era cu lu ricciu, larga nu tìscitu e mienzu;
a ci no puteva e tineva la farina ti cranu, si faceva la massa fatta a casa, comu tutti l’otri giurni.
Tant’anni fa si faceva na bedda festa a San Giseppu puru allu paisu nuestru, no’ comu quera ti San Marzanu, ma si faceva la prucissione e tanta abbasta!
Li tivoti ti San Giseppu facèvunu li spinnilatore chine ti massa ‘ccunzata cu la muddica ti pane e ‘bbrustulita cu la sarda salata e l’agghja e li mittevunu nant’a casa loru, ti ‘ddo era a passa’ la prucissione e li cristiani scèvunu cu la furcina ‘nzacca e calàvunu tutti ‘ntr’alla spinnilatora…
Lu facèvunu pi divuzzione piccè la massa vineva apprima binidetta.
Quannu stava lu càrcere a San Giorgi, la Commissione ti la festa sceva quarche giurnu prima allu càrcere e si faceva ticere quanta carcerati stàvunu a quiru mumentu.
Ci ni stavunu cincu, sei, uettu, la commissione purtava la massa rizza a tutti quiri ca stàvunu intr’allu carcere lu giurnu ti la festa ti San Giseppu.
La sera po’, quannu asseva la funzione ti la Chiesa, si ppizzicàvunu li fucarazzi
e si cantava “valla valla ti san Giseppu” e si bbiveva lu mieru allu cuccu!
——-Tratto dal Mio “QUADERNO DEGLI ANTICHI SAPORI”——-
Ricettina:
si compra questa pasta speciale e si condisce con olio in cui si fa soffriggere dell’aglio sminuzzato, abbondante pane grattugiato, alcune acciughe diliscate e lavate e si versa questa salsetta nella pasta appena scolata, si spera che il pane fritto venga distribuito equamente tra coloro che la gusteranno, perchè la croccantezza del pane fritto è una vera squisitezza. Nella mia ricetta noterete del peperoncino piccante, per chi lo gusta si può aggiungere nell’olio caldo insieme a tutti gli altri ingredienti e il sapore di questo umile e saporitissimo piatto non potrà che essere esaltato al meglio. Ah! in commercio questa pasta appartiene ad una trafila speciale e viene chiamata MAFALDINE.
saporidelsalento 