Archivio tag | Quanno nascette o Ninno

Quannu nascìu lu figghju a Maria

gesu_bambino_02[1]

QUANNO NASCIU LU FIGGHJU
Versione in dialetto sangiorgese di “Quanno nascette ninno” Dal Cantico della Natività di S. Alfonso Maria De Liguori

Quannu nasciu lu figghju a Maria
Era notte e pareva menzatia
Mai li stelle furunu belle
Mai si viternu taccussi
La chiù lucente
Sciu a chiamà li Maggi
Ti l’Uriente

No stavunu nimici sobbr’alla terra
La pecora mangiava cu lu lione
Cu l’agnellu si viteva
Lu liupardu ruzzulà
L’orso e lu torello
Lu lupu ’mpace stava cu l’agnello…

Si ddiscitaruno tutti l’acieddi
Cantannu ti nna forma totta nova
Li passarieddi
piccinni piccinni
Zumpettannu
di qua e ddi ddà
E’ NATO! E’ NATO!
Sia benedetto Ddio
Ca n’ha criato!

Cu tuttu ca era ‘nviernu
O Ninno bello
Fiurirunu a migghjara
Rose e fiuri
Puru lu fienu
Ca era tuestu
Vistu ca stava sott’a Te
S’intinnirìu
E ti nna fronna ti rosa si vistìu.

A nnu paìsu ca si chiamava ‘Ngaddi
Minarunu li vigni e assìu l’ua.
Figghju beddu
Sapuritieddu
Raciuppieddu d’ua sì Tu!
Cu tant’amori
Ddulcisci prima la vocca e po’ lu core.