Archivi

voci in estinzione

Quanta matine mi ppostu ret’alla persiana pi reggistra’ quiru ca crita” pummitore pi la salsa Uagnè!!!, a ci ata fa la salsa, a ci ata fa li pummitori a pizzetti!!! “

Ma vuie critìti ca sta cosa ata dura’ ancora assaje? Vonu scumparennu tutti li voci, tutti li pirsunaggi, tutti quiri ca si canuscèvunu sulu pi lu sobbrannome ca tinèvunu!

Ce soprannomi fantastichi!

Scappasaramenti, Para-para, Cecca ti pizzicu, chiantaspìni ,la pagghjalora, Cicci ti ‘Mbrosiu,la Burraska, Lu vissinu… nònnima la chiamàvunu Rata di Viruddu,ca po’ vuleva essere, Rata, il diminuitivo di Addolorata, (oscj nome improponibile,) e Viruddu era lu nome ti lu nonnu Saverio, il cui diminuitivo era Savirùddu (‘Viruddu).

Cussì cretu ca quisti vinnitòri ambulanti ona scumparè…
E io vo’ ccugghjennu tutti quisti sapori, quisti suèni, quisti spizzuni ti passatu, comu si ccugghjevunu l’alie morte ti sott’all’arli, cu li lassu alli fili mia, all’amici, a quiri ca ona vinè dopu ti me…

Annunci