(Passione di Cristo nelle Tagliate, Foto di Mauro Ceci)
Marì, lassa cc’è tiene, me sintùtu?
ca òsce ste na cosa assai mportante,
e nuie ma sce cu core penitente
a ddo lu Figghiu Santu è sofferente .
La strata dolorosa già ha zziccatu
l’agnellu ca cancella ogni piccatu
ma questa vota la storia si ripete
ntra li zzuccati cu dulore e fede.
Giuvini e viecchi,
femmene e vagnuni
so pirsunaggi ti la Storia Santa
lu postu addò si svolge
ete a San Giorgi,
tra li tagghiate, l’anima risorge.
Ci sciamu po cu veru pentimentu
battimmini lu piettu
e canciamu sintimientu,
la strata vecchia ca porta allu piccatu
lassammila pi sempre,
canciamu capu,
ca lu Figghiu di Diu,
pi nuie ha spiratu.
Vivimmila cu fede sta Passione,
e tanta grazie putimu guadagnare
cu la Madonna e cu la Matalena
sintimu ntra lu core questa pena,
Facimu in modu ca lu sangu sparsu
no cade sobbra nu cori riarsu
lu cori ca vò Diu a ta essere sinceru
pi ni lassà in eredità lu Cielu .
pi ni lassà lu Santu Paradisu
addò lu Figghiu Santo ste sempre ssisu.
Ca la Passione ete nna storia vera
e ogni annu nuie la ma cuntare
e no la ma putere mai scurdare.
Ci ste pirìculu cu vi la scurdate
vinìtila a vitère alli Tagghiate.
( Foto d’Epoca di Anna Marinelli)
saporidelsalento 