Archivio | giugno 23, 2014

Pasta alla sangiuvanniello

10446482_10203750162185393_8347867202346462294_n[1]

Pi lla misera, ogni vota ca scemmu a casa ti sròchima no tineva mai niente!
Ultimamente però, s’era ‘nvintatu ca sùbbutu sùbbutu ni faceva nnu piattu ti pasta alla Sangiuvanniello!
Mitteva l’acqua sobbr’allu furnieddu, e contemporaneamente mitteva nnu picca ti oglio intr’alla frizzalora, cu na spica di àgghja, la faceva sfumà nnu picca e po’ minava nna buttiglia di pummitòri a pizzetti, ca a tiempu ti staggione si faceva la pruvvista; do’ alìe nere comu lu ‘nchiostru, du filetti di sarde salate, e mmiskava tutti cose… Po’ llissàva do’ virmicieddi, o do’ bucatini, insomma, cè tinèva ‘ntra casa e li ccunzava.
Cè sapore ca tineva quera pasta, tuttu meritu ti li pummitòre a pizzetti cu tanta ti quiru vasinicòla intra ca puru ca era tiempu ti ‘nviernu ti pareva sia ca era luglio, agosto!

Annunci