Archivio | novembre 26, 2012

Li taraddi cu l’oglio

taralli all'olio.jpg

L’Amicu mia ti l’Olanda, Priscu Carafa, m’ha circatu do rizzette ti lu paisu nuestru, piccè si ste vvicina Natale e iddu li vo faci puru ca s’acchja tanta luntanu.
iu ca lu vogghju a tengu cuntente m’agghju misu alla ricerca ti la rizzetta ti li taraddi cu l’oglio e quiri cu lu vinu. Osci vi tòcu questa:
A Tarantu si chiamunu “Taradd cu ‘u pepe, ma allu paisu nuestru
si chiamunu taraddi cu l’oglio, piccè lu ‘ngrediente principale ti sti taraddi ca si facinu ti li fiesti ete propria l’oglio!

L’ingredienti sontu:
docientu grammi ti vinu biancu,
menzu cucchiarinu ti sale finu,
docientu grammi ti oglio,
700 grammi ti farina doppio zero
Pepe nero a piacere.

Sfumate l’oglio e minàtilu intr’alla farina, friculate cu li mani e faciti ‘ssurbì buenu buenu l’oglio.
Minati lu sale finu, lu pepe e continuate a ‘mpastà cu lu vinu biancu.
Fatiàti bbona la pasta ca a ta vinè liscia e lucida.
Pigghiate a picca la vota la pasta ti li taraddi e faciti tanta bastoncini , po’ taghjatili ti deci o ti quìnnici cintimetri, ‘rrutulàtili e carcati cu lu tìscitu
sobbra alla giuntura ti la pasta pi gghjutere lu taraddu.
Uncìti cu nu filu ti oglio la spasa e situati li taraddi, li putiti mettere cucchj ca lievitu no ni ste!
‘nfurnatili pi na bona menz’ora a docientu gradi.
Po’ assìtili e facitili drifeddere prima cu li livati, ci no si ròmpunu!
‘rripàtili intr’a na coppa cu tanta carta assorbente, quera ca si usa ‘ntra la cucina.
No vi li manciati tutti na vota!