Archivio | giugno 10, 2012

Li ciòse

Tengu nu parente ca lu vetu armenu na vota all’annu.
Nonci ni vitimu maje, mancu ti li fieste cumannate, né di pasca e né ti natale.
Ma quannu arriva maggiu, ci na sera mi sònunu alla porta e no sto spettu nisciunu ete certu jddu, cugginima ‘Ntoniu, ca m’ha purtatu na coppa ti ciòse frischi frischi.

Mi li tè, sobbr’alla porta, nonci trase mancu.
Ma è felice comun nu cardillu quannu mi porta na coppa ti ciose frischi frischi ti campagna sova!

E io lu ringraziu sempre e po’ prima mi li manciu cu li uecchj e po’ a unu a uno mi li manciu tutti.

Appena pigghjati ti ‘nfacci alla chianta, no ste niente chju megghju ti li ciose, ti cugginima ‘Ntoniu!

Grazzie Cuggì!