Archivio | Mag 23, 2012

Lu fucazzieddu

Alli tiempi ti mo si mànciunu li pizzelle ci no na sera all’otra. Prima invece, quannu li mamme nuestre, nu paru ti volte lu mese, putèvunu fa lu fucazzieddu era na festa, specialmente pi li piccinni.

Sulu ca  ci la mamma mitteva la cipodda intr’allu fucazzieddu nuie turcemmu li musi, piccè la cipodda nonci ni piaceva.

Mi ricordu ca mama purtava la spasa ti lu fucazzieddu allu furnu ti Stella, sobbr’alli Castriote… si purtava la matina e si sce pigghjava a menzatìa, giustu pi quannu  assemmu ti la skola.

Quannu trasèmmu intr’a casa già ti l’ardoru ca si sinteva ‘nduvinammu ca quiru giurnu la mamma era fattu lu fucazzieddu, e ni binchiammu sulu cu l’ardoro!

Ci po’ stàvunu puru l’alie nere, mittemmu abbatu cu no cazzammu li nuzzili, ci no si ni saltàvunu nu paru ti tienti!!!

 

 

Annunci